Farskap eller medmorskap fastsett i utlandet kan anerkjennast i Noreg.

Når ei avgjerd om farskap eller medmorskap frå utlandet blir anerkjent i Noreg, vil faren eller medmoren få dei same rettane og pliktene som ein foreldreskap registrert i Noreg. 

Desse rettane og pliktene blir då lagt til grunn i alle samanhengar der farskap eller medmorskap er av betydning.

Dersom farskapet eller medmorskapet for barnet ditt er fastsett utanfor Norden, kan du søke om at den utanlandske avgjersla vert anerkjent i Norge.

Du kan også søke om anerkjenning av utanlandske avgjersler om endring av farskap eller om frifinning for farskap.

Det er ikkje naudsynt å søke om anerkjenning når

• du og den andre forelderen var gift då barnet vart fødd. Farskap eller medmorskap følger då i dei aller fleste land direkte av ekteskapet, dette kallar vi  «pater est»-regelen. Farskapet eller medmorskapet vert då sett på som å følge direkte av utanlandsk lov. Foreldra må kontakte Skatteetaten dersom ekteskapet er inngått i utlandet, og dette ikkje er registrert i Norge.
• farskap eller medmorskap er fastsett ved rettskraftig dom eller erklæring i eitt av de nordiske landa (Danmark, Finland, Island og Sverige). Då må du kontakte Skatteetaten og registrere farskapet eller medmorskapet i Norge.

Slik søker du

Fyll ut søknaden og send den til Nav.

Søk om anerkjenning av farskap eller medmorskap

Etter at vi har behandla søknaden din

Når søknaden din er behandla, vil Nav sende vedtaket til Skatteetaten for registrering dersom farskapet eller medmorskapet vert anerkjent.