Lågast sjukefråvær i Sunndal

Sjukefråværet i Møre og Romsdal er 2. kvartal 2024 på 5,9  prosent, det same nivå som resten av landet. Det er første gong på mange år at sjukefråværet i Møre og Romsdal ikkje er høgare enn snittet for landet.

Blant dei tre største byane er sjukefråværet lågast i Molde, med 5,5 prosent. I Ålesund er fråværet 5,8 prosent medan Kristiansund har eit er sjukefråvær på 5,9 prosent. Ingen av desse tre kommunane har høgt sjukefråvær samanlikna med fylket.

Lågast sjukefråvær er det som vanleg i Sunndal kommune. Der er sjukefråværet dette kvartalet på 4,3 prosent. Men også her har fråværet auka noka dei siste åra, og tilbake i 2. kvartal 2020 var det på 3,3 prosent.

I tre kommunar er sjukefråværet på 7 prosent eller høgare. Det er i Vanylven med 7,7 prosent, Sykkylven med 7,1 prosent og i Vestnes med 7,0

Auke i sjukefråværet grunna psykiske lidingar

Fråværet innan psykiske lidingar har auka i fleire år, men for 1. kvartal i 2024 kunne vi melde om ein reduksjon i tapte dagsverk grunna psykiske lidingar. Den trenden varte ikkje inn i 2. kvartal. Dette kvartalet var det over 98 000 tapte dagsverk grunna  psykiske lidingar, ei auke på nær 11 000 frå same kvartal i 2023. Delen av tapte dagsverk grunna psykiske lidingar er no 24,8 prosent. Det er ei auke frå 23,6 prosent i same kvartal 2023 og ei auke frå 20,1 i same kvartal i 2020.

Muskel- og skjelettlidingar er framleis den vanlegaste grunnen til sjukefråvær i fylket vårt. Fråvær grunna denne diagnosegruppa auka med meir enn 3 000 tapte dagsverk dette kvartalet, og utgjer 36,3 prosent av dei tapte dagsverka. Sidan andre diagnosar aukar meir, utgjer muskel og skjelettlidingar dermed ein lågare del av det totale sjukefråværet i 2. kvartal enn i tidlegare år.

Pressemelding om sjukefråværet i Møre og Romsdal 2. kvartal 2024