Det er 199 fleire heilt ledige enn september i fjor. Landet samla har 2,0 prosent heilt ledige.

Det er framleis låg arbeidsløyse i Vestland, samstundes som det er ein auke i talet på utlyste stillingar. I september var det utlyst over 5 000 ledige stillingar i Vestland. Det er flest ledige stillingar innan helse, pleie og omsorg (888), butikk- og salsarbeid (444) og industriarbeid (413).

Kritisk innan helse- og sosialsektoren

Mangelen på kvalifisert arbeidskraft vil berre bli større med åra som kjem, syner ein fersk oversikt frå statistikkmiljøet til NAV Vestland.

– Oversikten syner at nær 33 000 personar i Vestland vil nå pensjonsalderen i sin bransje dei neste fem åra, seier fylkesdirektør i NAV Vestland, Bjarte Hysing-Olsen.

Aller mest kritisk er det i helse- og sosialsektoren, der nesten 8000 arbeidstakarar snart må erstattast. Dette utgjer nær 11 prosent av dei tilsette i sektoren.

– Også bransjar som undervisning, varehandel og transport har stort behov for å erstatte og tilsette nye personar i åra framover. Det same gjeld landbruket. Der er det ikkje snakk om like mange personar, men ein stor del av arbeidsstyrken i bransjen, seier Hysing-Olsen.

Store variasjonar mellom kommunane

15 av dei 43 kommunane i Vestland har under ein prosent arbeidsledige. Høgast er arbeidsløysa i Hyllestad (3,4 prosent), Eidfjord (2,6 prosent) og Ulvik (2,3 prosent). 

 

For kommentar til meldinga, kontakt

Bjarte Hysing-Olsen, fylkesdirektør i NAV Vestland, 48 24 73 18

Birgitte B. Lygre, senior kommunikasjonsrådgjevar, 90 50 70 96