Viss du loggar på nav.no med BankID, Buypass eller Comfides, kan du endre kontonummer i «Personopplysningar».

Du kan berre ha eitt kontonummer registrert hos Nav. Dette gjeld for alle privatpersonar som får pengestøtte, pensjon eller refusjonar frå Nav.

Utbetalingar som Nav gjer på vegner av mellom anna Statens pensjonskasse, blir utbetalte til det kontonummeret som du har registrert hos Nav.

Utbetaling til utanlandsk bankkonto

Som hovudregel utbetalar Nav til norsk bankkonto. Har du ikkje bankkonto i Norge, bør du oppgje kontonummer i utanlandsk bank dersom du har det.

For nokre utbetalingar er det likevel ein føresetnad at du oppheld deg i Noreg. Dersom du oppgjev eit kontonummer i ein utanlandsk bank, må du vere merksam på at det kjem eit gebyr for kvar utbetaling, og at det kan ta litt lengre tid før pengane er på din konto.

Har du utbetalingar frå kommunen eller Husbanken?

Om endring av kontonummer for kommunen og Husbanken: 

Viss du ikkje har moglegheit til å melde frå digitalt, kan du melde frå om endringar via posten. Du må då leggje ved kopi av gyldig legitimasjon, eller vise gyldig legitimasjon ved å møte fram personleg på eit Nav-kontor. Du må gi opp fødselsnummer eller D-nummer for å endre kontonummer.

Dersom du skal melde frå om endring frå éin norsk bankkonto til ein annan, bruker du skjemaet melding om nytt bankkontonummer.

Melding om nytt bankkontonummer

Utbetaling til utenlandsk bankkonto

Dersom du ønskjer at vi skal betale ut pengane til ein utanlandsk bankkonto, og du vil sende skjemaet med post, må du fylle ut skjema om bankopplysningar.

Skjema for bankopplysningar - utland

Send ferdig utfylt skjema til adressa som står på førstesida av skjemaet. Hugs å skrive under skjemaet og å leggje ved kopi av gyldig legitimasjon.

Kva er gyldig legitimasjon?

Gyldig legitimasjon er id-kort som inneheld fødselsdato, namn, signatur og bilde (til dømes pass, førarkort, ID-kort)