I 2024 var det legemeldte sjukefråværet i Møre og Romsdal 5,8 prosent. Fråværet 4. kvartal i 2024 var 5,9 prosent, ein nedgang på 3,6 prosent samanlikna med same kvartal året før. For kvinner var fråværet i fjerde kvartal 7,7 prosent medan det for menn var 4,4 prosent. 

Sjukefråværet innan muskel- og skjelettlidingar utgjer 36,4 prosent av det totale sjukefråværet i 2024. Dette utgjer 595 041 tapte dagsverk, ei auke på 8 603 tapte dagsverk samanlikna med 2023. 

For fjerde kvartal i 2024 var fråværet i denne diagnosegruppa 153 926 tapte dagsverk, ei lita auke frå 152 494 tapte dagsverk i 2023. 

Fråværet innan diagnosegruppa psykiske lidingar har hatt ein betydeleg auke sidan 2020, frå 80 903 tapte dagsverk i fjerde kvartal i 2020 til 101 701 i sama kvartal i 2024. Vi registrerer likevel at det er ein nedgang i fråværet i denne diagnosegruppa frå 102 448 tapte dagsverk i fjerde kvartal i 2023. 

For sjukdomar i luftvegane har det vore store svingingar dei siste åra. Pandemien gav ein topp på 41 391 tapte dagsverk i fjerde kvartal i 2021. I fjerde kvartal i 2024 var talet 23 897 tapte dagsverk, som også er ein nedgang frå 2023. 

I aldersgruppa 60-64 år var det ei auke i sjukefråværet på 3,4 prosent, medan det var ein nedgang i fråværet for alle andre aldersgrupper i fjerde kvartal i 2024. Størst nedgang var det i gruppa 40-44 år med 9,1 prosent. 

Helse- og sosialtenester var næringen med det høgste samla fråværet i 2024 med 8,2 prosent. I denne næringen var det totalt nær 500 000 tapte dagsverk i 2024. 

Verksemder innan bygg- og anlegg hadde eit fråvær på 5,6 prosent i 2024, ei auke på 4,8 prosent. Industrinæringa hadde eit fråvær på 4,6 prosent, ein nedgang på 3,2 prosent samanlikna med 2023.

Les heile pressemeldinga med tabellar:
Pressemelding om sjukefråværet i Møre og Romsdal 4. kvartal 2024