Det legemelde sjukefråværet i fylket enda på 6,1 prosent i fjerde kvartal 2023 mot 5,9 prosent i same periode året før.

Dei fleste er borte frå jobb grunna muskel- og skjelettplager (32 prosent) og psykiske lidingar (24 prosent). Mykje av auken sidan 2022 kjem blant kvinner.

I fjerde kvartal passerer 30-åringar så vidt 50-åringar i sjukefråvær.

– Sjukefråværet har auka mest i aldersgruppa 20–49 år, og mykje av auken gjeld sjukefråvær med psykiske lidingar. Dei siste to åra har sjukefråværet i Vestland auka jamt. Det er ein utvikling vi som samfunn må jobbe saman for å snu, seier assisterande direktør Bjarte Hysing-Olsen i Nav Vestland.

Helse- og sosialsektoren har høgast fråvær med 8,8 prosent. Andre store sektorar som undervisning, overnatting og servering, transport og lagring og bygg og anlegg har også auke i fråværet.

Fakta om sjukefråværet i Vestland i fjerde kvartal 2023

• Høgast fråvær i kommunane Askøy (7,7 prosent), Øygarden (7,3 prosent) og Bjørnafjorden og Osterøy (begge 6,9 prosent).
• Lågast fråvær i Austevoll (4,3 prosent), Aurland (4,5 prosent), Luster og Vik (begge 4,6 prosent)
• Sjukefråværet i Vestland er litt høgare enn landsgjennomsnittet på 6 prosent.

Fleire tal om sjukefråværet finst på statistikksidene.

Eigenmeldt sjukefråvær på landsnivå finn du hos SSB.

For kommentar til meldinga, kontakt:

Bjarte Hysing-Olsen, assisterande direktør i Nav Vestland, 48 24 73 18

Birgitte B. Lygre, senior kommunikasjonsrådgivar, 90 50 70 96