Fylket har no 177 fleire heilt ledige enn i desember i fjor. Vestland har lågare ledigheit enn snittet for landet, som ligg på 2,0 prosent heilt ledige.

Andel fordrivne frå Ukraina mellom 20 og 66 år som er i jobb, har auka gjennom året, og ligg no på 28 prosent.  Det er om lag det same som snittet for landet.

– Det er som venta at fleire i denne gruppa kjem seg i arbeid etter kvart som dei er ferdige med introduksjonsprogrammet. Dei med lengst opphald har høgare jobbdeltaking enn nyankomne. Blant dei som kom i 2022 er 42 prosent i arbeid, seier fylkesdirektør Bjarte Hysing-Olsen i Nav Vestland.

Raskt i jobb

Nav har ei rekkje tiltak som skal bidra til at fleire kjem i arbeid. Individuell jobbstøtte (IPS) er eit tiltak som har hatt god effekt for fleire grupper, mellom anna flyktningar.  Hysing-Olsen trekk fram Hurtigsporet Raskt i jobb i Bergen, som arbeider med flyktningar for å skaffe arbeid eller utdanning.  

– IPS tar utgangspunkt i deltakarane sin eigen motivasjon, ønskjer og ressursar. I Raskt  jobb har fire jobbspesialistar i samarbeid med integreringskonsulent og rettleiarar i Nav fått 86 prosent av deltakarane i løna arbeid eller utdanning i år, seier fylkesdirektøren.

Mange ledige jobbar innan helse

I desember var det utlyst 2 858 ledige stillingar i Vestland. Det er flest ledige stillingar innan helse, pleie og omsorg (926), industriarbeid (297) og ingeniør- og IKT-fag (243).

Høgast ledigheit i fylket har kommunane Ulvik med 4,0 prosent, Bremanger 3,5 prosent, og Eidfjord med 2,7 prosent. Fire av 43 kommunar har under 1 prosent arbeidsløyse. Aller lågast ligg Solund og Stord.

Arbeidsmarknaden i Vestland, desember

 

For kommentar til meldinga, kontakt

Bjarte Hysing-Olsen, fylkesdirektør i Nav Vestland, 48 24 73 18

Birgitte B. Lygre, senior kommunikasjonsrådgjevar, 90 50 70 96