Det er 654 fleire heilt ledige enn på same tid i fjor.  Snittet for landet samla ligg på 2,1 prosent heilt ledige.

For første gang er meir enn kvar femte av dei fordrivne frå Ukraina mellom 20 og 66 år i arbeid i Vestland. Det er om lag det same som snittet for landet.

– Vi ventar at talet vil halde fram å stige. For å få nytte av den arbeidskrafta og kompetansen dei har med seg, er vi avhengige av eit godt samarbeid med bedrifter og næringsliv, seier fungerande fylkesdirektør Knut Steinar Eitungjerde i NAV Vestland.

Betre enn frykta for bygg og anlegg

I juli var det utlyst over 3 700 ledige stillingar i Vestland.

Det er flest ledige stillingar innan helse, pleie og omsorg (856), butikk- og salsarbeid (440) og serviceyrke (353).

Det over 300 ledige stillingar innan både bygg og anlegg og industri. Samstundes er desse bransjane dei einaste der det er færre heilt ledige samanlikna med juli i fjor.

– Bygg og anlegg ser ut til å klare seg betre enn frykta, og betre enn i resten av landet. Trass i stor uro i sektoren, er det framleis låg ledigheit og mange ledige stillingar her. Arbeidstakarar som blir ledige i sektoren, finn raskt ny jobb, seier Eitungjerde.

Store variasjonar mellom kommunane

13 av dei 43 kommunane i Vestland har under ein prosent arbeidsledige. Høgast er arbeidsløysa i Modalen (4,5 prosent), Hyllestad (3,2 prosent) og Ulvik (2,7 prosent). 

Under relatert innhald til høgre finn du tal for alle kommunane i Vestland.

For kommentar til meldinga, kontakt

Knut Steinar Eitungjerde, fungerande fylkesdirektør i NAV Vestland, 41 62 50 04

Birgitte B. Lygre, senior kommunikasjonsrådgjevar, 90 50 70 96