Skreddarsydd fagopplæring i logistikkfaget

Kan du tenke deg å jobbe i logistikkfaget? Gjennom skreddarsydd fagopplæring kan du få ein opplæringsplan med blanding av teori og praksis på vegen fram til fagbrev og jobb.

Skreddarsydd opplæring i logstikkfaget er eit tilbod for kandidatar som ønsker å ta fagbrev for å jobbe i industri- og transportbedrifter. VI koplar jobbsøkarane mot bedrifter i Nordfjord, Sunnfjord og Sogn som treng fagfolk. 

Logistikkfaget fører fram til yrket logistikkoperatør. Vanlege oppgåver er lasting, lossing og klargjering av varer som skal sendast. Ein kan jobbe innan transportbransjen, på godsterminal eller flyplass, handelsbedrifter, industribedrifter eller anna næringsverksemd. 

Kven kan få tilbodet? 

  • Over 19 år
  • Registrert som jobbsøkar hos Nav
  • Ønsker fagbrev og arbeid innan logistikkfaget
  • Ønsker å jobbe i Nordfjord, Sunnfjord eller Sogn 

Slik melder du deg på

Slik er løpet fram mot fagbrev

  • Du startar gjerne med arbeidstrening i ei bedrift for å teste om logistikkfaget er riktig for deg. Nav har avtale med bedrifter som tek imot lærlingar. 

  • Fylkeskommunen gjennomfører ei realkompetansevurdering, for å finne ut kva opplegg du skal følge vidare. Du får eit individuelt opplæringsløp som tek omsyn til situasjonen din. Dette er som regel ein kombinasjon av skule og praksis i bedrift. 

  • Flora vidaregåande skule tilbyr teoriundervisning i logistikkfaget etter modulstrukturert læreplan for vaksne. 

  • Bedrifta peiker ut ein fagleg ansvarleg som følger deg opp i læretida. Du får også tett oppfølging frå Nav-rettleiaren din, skule og eventuelt opplæringskontor. 

Økonomi

  • Viss du allereie får ei yting frå Nav, kan du behalde den. Viss ikkje har du rett til å søkje om tiltakspengar. Det er viktig at du og Nav-rettleiaren din saman går gjennom økonomien din og legg ein plan for heile opplæringsløpet.
  • Når du teiknar lærekontrakt med ei bedrift, vil du få lærlingløn.
  • Du kan søke støtte frå Lånekassen medan du går på skule og i læretida.
  • Du kan også ha rett på ulike tilleggsstønader, til dømes for å dekke dagleg reise til skulen eller praksisplassen.

Faopplæringa er eit samarbeid mellom Nav, Vestland fylkeskommune, Pro Vestland Opplæringskontor, Opplæringskontoret for Transport og logistikk, Nordfjordkompaniet, Sogn opplæringskontor og lokale arbeidsgjevarar i Nordfjord, Sunnfjord og Sogn.

Vil du vite meir?

Kontakt oss gjerne på e-post nav.kinn@nav.no