Sjå sidene våre for å finne informasjon om hjelpemiddel og tilrettelegging i ulike situasjonar.

Hjelpemiddel og tilrettelegging (for privatperson)

Jobbar du med hjelpemiddel og tilrettelegging? Sjå sidene våre for samarbeidspartnarar.

Jobbar med hjelpemiddel (for samarbeidspartnar)

I kvar kommune er det tilsette som har eit spesielt ansvar for hjelpemiddelformidling. Ofte er det ergoterapeutar eller fysioterapeutar, men det kan også vere andre yrkesgrupper. Dei kan hjelpe til med å kartlegge behovet, hjelpe deg å søke og gi opplæring og oppfølging. Ofte må eit hjelpemiddel prøvast ut før du søker. Ergoterapeut i kommunen vil organisere utprøving for deg.

Nav hjelpemiddelsentral hjelper kommunar og andre samarbeidspartnarar ved kompliserte hjelpemiddel- og tilretteleggingsbehov i daglegliv, barnehage, skule, utdanning og arbeid.

Oversikt over hjelpemiddel og tilrettelegging for privatpersonar

Oversikt over hjelpemiddel og tilrettelegging for samarbeidspartnarar

Viss du har sendt ein søknad til Nav hjelpemidler og tilrettelegging, kan du logge inn på nav.no og sjekke saka di sjølv. Innloggingsknappen finn du øvst til høgre i nettlesarvindauget.

Hjelpemiddelsentralen leverer hjelpemiddelet til kommunen.

Viss du ikkje har reservert deg mot digitale meldingar frå staten, får du beskjed på SMS eller e-post når hjelpemiddelet er klart til å sendast frå oss til kommunen. Du kan også følgje status på saka di viss du loggar inn på nav.no med ID-porten.

Utleveringa av hjelpemidla skjer som regel éin gong per veke til mottaksstader i kommunane. Derfrå blir hjelpemiddelet  levert vidare til deg som skal ha det.

Du får beskjed frå Nav om at vi har levert hjelpemiddelet til kommunen din. Viss du har spørsmål om leveringa, må du kontakte kommunen.

Nedanfor finn du oversikt over kva for vekedagar Nav leverer hjelpemiddel til din kommune.

Du må kvittere på at du har fått hjelpemiddelet ved utlevering.

Ta kontakt med kommunen din for å melde behov for reparasjon, byte eller delar til hjelpemiddelet ditt.

Kommunal hjelpemiddelteknikar utfører enkle reparasjonar og byte av delar. Kommunen kontaktar hjelpemiddelsentralen dersom den har behov for bistand i ei sak. 

Telefonnummer til teknisk avdeling: 41 34 22 39.

Opningstid: klokka 08:00–15:00.

Ta først kontakt med kommunen.

Utanom opningstid og ved akutte behov, kan du ringe Nav hjelpemiddelsentral sin servicetelefon for reparasjon av hjelpemiddel:

• Telefonnummer: 917 81 122
• Opningstid kvardagar: klokka 15:30–24:00
• Opningstid helger og heilagdagar: klokka 08:00–24:00

Når du ringer Servicetelefonen vil du komme i kontakt med ein av våre teknikarar. Dei vil vurdere situasjonen ut frå situasjonsskildringa di, og avtale med deg hva som skal gjerast vidare.

Dersom du har søkt og fått innvilga tolk, kan du bestille tolk til konkrete oppdrag.

Du kan logge inn og bestille tolk på Nav si tolkebestillingsløysing

Kontakt tolketenesta i Vestland

• Telefon:
  • 40 64 97 93 (berre samtale)
  • 97 75 35 91 (berre sms)
• Opningstid telefon: kvardagar klokka 08:00–14:30
• E-postadresse: nav.tolketjenesten.vestland@nav.no

Ved akutt behov for tolk for døve, høyrselshemma og døvblinde, ring eller send sms til 99 48 18 10. Her kan du få kontakt med tolk når som helst på døgnet, ved til dømes sjukdom eller brann.

Viss du treng stønad til bil eller spesialutstyr, kan du kontakte bilsenteret i regionen din.

Nav bilsenter er eit nasjonalt ressurs- og kompetansesenter med ansvar for formidling av bil og spesialutstyr.

I Vestland fylke er det Nav bilsenter Vest-Norge som har ansvar for å hjelpe deg.

• Telefon: 40 64 83 23 
• Opningstid telefon: måndag, onsdag og fredag klokka 09:00–11:00
• E-post: nav.bilsenter.vest-norge@nav.no
• Besøksadresse: Kokstaddalen 35, 5257 Kokstad
• Postadresse: Postboks 121 Kokstad, 5863 Bergen