Meld frå om endringar

For at du skal få utbetalt rett beløp frå NAV, er vi avhengige av at du gir oss korrekte opplysningar og melder frå når det skjer endringar i inntekta di eller livssituasjonen din.

Viss du gir ufullstendige eller feil opplysningar, kan du få utbetalt feil beløp.

Du kan melde frå om endringar ved å sende ein beskjed til oss.

Meld frå om endringar

Får du økonomisk sosialhjelp og ønskjer å melde frå?

Sjå kva du må melde frå om dersom du får økonomisk sosialhjelp.

Typiske situasjonar som kan påverke utbetalinga di, er at

• du byrjar tene meir eller mindre enn du tidlegare har oppgitt til NAV. Viss du får pensjon eller uføretrygd, kan også inntekta til ektefelle, sambuar eller partnar ha betydning for utbetalinga di
• sivilstatusen din endrar seg, t.d. gjennom inngåing eller avslutning av ekteskap, partnarskap eller sambuarskap, eller ved at partnar/ektefelle/sambuar døyr
• familiesituasjonen din endrar seg ved at du får barn, eller at eit barn flyttar ut eller ikkje lenger blir forsørgt
• du planlegg å opphalde deg i eller flytte til utlandet

Ta kontakt dersom du er usikker

Kva du skal melde frå om, vil variere alt etter kva pengestøtte du får. Viss du er usikker på om endringa kan ha konsekvensar for utbetalinga di, kan du lese meir i vedtaksbrevet du har fått frå oss. Alternativt kan du kontakte oss på telefon.

Du må også melde frå til oss viss du får nytt kontonummer eller ny adresse:

• Endre kontonummer
• Endre kontaktinformasjon